مؤثر…هذا ما قاله مواطن يعمل كبائع متجول بالجديدة

الجديدة اكسبريس

هذا ما جاء في تدوينته على الفيس بوك :

بيان للرأي العام :
من العصر إلى الآن ، يللـَّـه كي سالينا من لقاء مع السيد الباشا حول السوق النموذجية اللي اقتارحوا علينا كحل لباعة الرصيف ، من هاذ المنبر أنا كنعلن للرأي العام أنني معنديش ديك 3500 درهم لتغطية مصاريف الكرّوسة ، أقسم بالله ، ولذلك أنا كنعتابر راسي محروم من هاذ الحل . داك الشي اللي كنتاجر بيه عبارة عن سلفات من هنا وهناك ، ومستاعد نمشي حفيان حتى لعند سيدنا باش نقول ليه هاذ الكلام .
ملاحظة :
1- كنقول هاذ الكلام هنا ماشي باش نسعى الناس ، الحمد لله عندي صحتي اللي نقدر نخدم بيها ، الحل فنظري هو نبقى فبلاصتي اللي كنت فيها أو نخدم فالسوق النموذجية حتى نوفر ليهم المصروف اللي طلبوه .
2- كنطلب من الأقارب دياولي ميخبروش الوالدة ديالي بهاذ لكلام باش مايتزاد عليها المرض اللي قديم فيها أكثر من 20 عام . قولو ليها كل شي زين ههه مخاص حتى خير .
تحياتي أنا محمد غزلي مجاز ومعطل من 2003 ورب أسرة .